由陳偉霆（William）和鄭融等演出的新片《關人７事》，早前在街頭拍攝一場對手戲，戲中演江湖大佬的William，出盡冧招力追鄭融。

由於William身材高大，鄭融卻嬌小玲瓏，鄭融笑言每次和William拍對手戲，都會帶定私伙高跟鞋，以拉近差距，她笑說：「我同佢都一樣鍾意跳舞，唔明點解佢高我咁多，不過唔緊要，女仔可以着高跟鞋。」她又透露拍攝期間，由於通宵趕戲導致身體不適，額頭爆發壓力瘡。

最緊要心地好

對於鄭融要穿高跟鞋和他拉近距離，William坦言現實中不介意女友的高度，他說：「高矮都覺得冇所謂，外表唔係等於一切，如果心地唔好幾靚都係假。（咁Baby心地好唔好？）佢梗係好啦，唔係點做朋友。」

首次跟鄭融合作的William，直言初時以為對方「Cool爆」，但相處後卻是另一回事，他說：「有場戲講我同佢去戲院睇戲，點知我唔小心將成包爆穀倒落佢身上，當時我勁唔好意思，好彩佢又冇嬲。」

文：專案組