趙碩之、戴夢夢及師妹陳若嵐（Melody）趁萬聖節將至，應節去挑戰「高街鬼屋」，三女入場時還自誇膽大包天，笑言「遇鬼殺鬼」，豈料入場不足三分鐘已聽到尖叫聲不絕，期間Melody更驚得由緊急出口「逃生」，驚魂未定的她說：「佢哋兩個行得好快，剩低我一個喺後面，嚇死我！」其後Melody更要由工作人員陪同折返鬼屋中完成挑戰，非常搞笑。
七月拍戲怪事
說到眾人的靈異經歷，趙碩之自爆於農曆七月期間，曾於高街拍鬼片而遇上古怪事：「當時同啲男演員玩得好開心，點知踏入十二點現場啲燈就係咁閃，我哋即時收晒聲，但係突然聽到有人尖叫，原來有個男仔驚得滯忍唔住嗌咗出嚟！」
Melody則指小時遷入新屋時，每晚也聽到有人在耳邊說話，此事持續了一年多，直到她舉家再搬新居才完結。
膊痛痊愈修佛
而夢夢表示個多月前曾遇上「鬼手」，她謂當時左邊肩膀無名腫痛，看了多次醫生也未知原因：「後來有個有陰陽眼嘅師傅同我講，話痛嘅原因係因為有隻小朋友手搭住我，佢話隻鬼手冇惡意，應該係我啲冇出世嘅細佬、妹嚟，當時都有啲驚，但事後媽咪同我證實咗，當年真係有個ＢＢ冇出世，所以先冇咁驚。」夢夢指現時膊痛已痊愈，她還表示近日正修佛，希望可多了解這方面的知識。
文：專案組