Theresa和Stephy昨日先後現身不同活動，對於被指用英文寫blog似暗寸Stephy英文差，Theresa謂：「blog係新聞未出已經寫咗，間唔中我都會英文寫blog。（好似踩多Stephy幾腳！）就係咁先冤枉囉！」問到可會減少英文寫blog？她說：「無論用中文或英文寫乜都畀人聯想到其他意思，我寫blog係為抒發自己感受。」但記者翻查資料，數月前已有網民將Stephy以英文受訪出醜片段放上網，近日亦被網民舊事重提，掀起熱話。

物色英文老師

而Stephy、方力申（小方）及農夫等出席「新城慈善K唱遊」，當小方與Stephy合唱《好心好報》時，小方即笑Stephy睇住歌詞都唱錯，令女方一臉尷尬。提到Theresa用英文寫blog一事，Stephy聞言即謂：「冇睇呀！（係咪Theresa英文叻過你？）冇比較過，其實我都物色緊英文老師私人教授。（會唔會搵外籍男友？）我唔得異地戀，試過同外國人做朋友，始終文化唔同。」

鄧麗欣現正物色英文老師私人教授。	小方取笑鄧麗欣睇住歌詞都唱錯。	日前小方在尖沙咀睇波鞋。

小方撐有夢想

小方亦力撐Stephy進軍荷里活：「人係要有夢想，唔應該抹殺人，有夢想先有進步。（你陪埋佢去？）邊個唔想進軍先。」問他是否與Stephy講最多的英文是「I Love You」或「Baby」？小方笑言：「You owe me,add oil,happy birthday講最多。」另外，日前小方在尖沙咀試波鞋時，因發現有記者影相即掃興離開。

同場的農夫自爆懷疑住址和電話遭歌迷盜取，因得知有歌迷曾任職電話網絡商兼職。問到會否向有關機構投訴時，他們稱已交給公司處理。

文：音樂組