近日為打造三百萬完美煙火婚禮，在香港已忙得不可開交的準新娘Jade，昨晨終於起程作「實地視察」，與未來老公金融才俊楊長智（Jonas）甜蜜現身機場出發到峇里。Jade將從美國訂的婚紗，以紙盒好好包裹，她說：「淨係將件婚紗放落箱都花咗兩個鐘，搞到成身汗！」最後行李超重，要付上$1390。

Jade的未來老公負責辦理登機手續。	揹着黑色Hermes手袋現身的Jade貴氣十足，被大批傳媒包圍。	Jade大晒巨型方鑽訂婚戒指。

拖老公晒恩愛

拖着老公的Jade除大晒巨型方鑽訂婚戒指外，更揹着黑色Hermes手袋，由未來老公負責辦理登機手續，Jade更顯放心。問到Jade整個婚禮斥資金額？她說：「都未知，好多嘢不停要加錢，依家都加咗預數一半喇，唔理喇，順利就得，結婚一生人一次，最緊要開心！」至於生Ｂ計劃，Jade說：「奶奶同媽咪都想快啲，但我同佢哋講畀我哋過吓二人世界先，過兩年好啲，依家我驚未識湊Ｂ。（度蜜月？）本身想去巴黎，不過依家係冬天，應該會押後到下年３月去，都唔會影響工作嘅。」

婚禮隨時延期

另外，Jade又透露由於受天氣影響，連婚禮日期亦是未知數：「要去到當地睇情況，會係24日或者30日，都有少少擔心，本來喺室外，依家可能要轉室內。」此外，Jade將於11月在港舉行結婚派對，屆時將邀請更多圈中好友出席，她說：「會過峇里嘅圈中朋友暫時係得蔡一智，嚟緊會喺香港搞party。」

採訪：音樂組