佘詩曼對《宮心計》收視報捷十分開心，不枉努力宣傳，甚至不介意緋聞被擺上枱，惟招來不少網友批評抄《大長今》，阿佘笑說：「一拍宮廷劇就係咁講，我哋部戲豐富啲，《大長今》只係講食，我哋講衣食住行。（網友話你角色冇突破？）第一集啫，耐心啲睇落去，兩個小妹妹已經好畀心機演，小朋友可以有幾奸呀！」她說有讚有彈屬正常，她會接納意見作參考。
對同時推出的《富貴門》收視稍遜，阿佘覺得兩劇難於比較，總之大家都有付出，她更許下承諾，《宮》劇收視升她會請食飯。
阿佘昨午出席新劇《天與地》拜神儀式，劇中她與陳豪、黃德斌有感情線，但最終捨棄愛情與二人保持朋友關係，是否如現實中與鄭嘉穎的關係？阿佘笑說：「現實生活我好開心，多謝，拜拜！」陳豪因前晚拍通宵戲趕到現場已遲了四十五分鐘，他笑言：「劉三好有三好，我就有三急。」對《宮》劇首集平均有34點，陳豪承認不錯，又大讚兩劇質素都好，是觀眾的福氣。談到收視顯示《宮》劇贏《富》劇，陳豪說：「邊個贏都冇所謂，無分輸贏，百花齊放。」