阿Sa透露這是她首個個人相展，她說：「因為今次影咗好多相，擺唔晒落張唱片，所以索性搞相展，可以擺晒啲相出嚟。」阿Sa甚少以長髮示人，她笑說：「拍古裝戲試過留長髮，但我唔考慮留長髮，因為『陰晴圓缺』，而且難打理，玩駁髮就好啲。」由於碟名中文意思為「另一個我」，問阿Sa的另一面是如何？她說：「我覺得好複雜，有啲人格分裂，一時一樣，好似拍戲易墮入角色，要時間抽離。」

阿Sa笑稱影相只影女仔及靚人，擺明鄭中基冇份。	鄭中基	阿Sa自言長髮較難打理。

為相展廣發英雄帖

談到明年會否再舉行相展？阿Sa說：「都有考慮再搞，但就自己做攝影師，（影人定影景？）影人為主，我成日捉住助手、化妝師同阿嬌（鍾欣桐）影相，自己反而少上鏡。（影鄭中基？）我鍾意影女仔多啲，而且鍾意影靚人多啲。」阿Sa日前出席相展剪綵時，星光熠熠，她說：「我平時好懶，上網都係睇嘢多，好少留言，但為咗相展，我Send咗好多E-mail，廣發英雄帖。」

文：專案組