悉心打扮的筠怡說：「條鏈叫The Squirting Whale，七月尾參加澳洲一個國際性珠寶設計賽，攞咗兩個大獎，設計靈感嚟自一塊寶石，我覺得佢形狀似鯨魚，於是諗到鯨魚呢個構思，仲用咗79顆鑽石、291顆黑鑽做成水珠效果裝飾，因為條鏈好襯我呢條由Cecelia Yan設計嘅裙，所以就戴咗佢嚟出席《澳姐》，好多嘉賓都讚。頭先有人問我係幾號佳麗，講真，我都超晒齡啦！（點睇佳麗質素？）我要為佢哋抱不平，佢哋質素差唔多，可能冇一個特別騎呢，先有咁嘅講法。我近距離接觸過啲佳麗，質素好好吖！我好鍾意大會安排佳麗進行才藝表現，又武術又耍劍，好多元化。」

超雲選美唔啱玩

另一位評判四太梁安琪則聲沙沙表示：「冠軍李若瀅幾好，係我心水之選。（做乜聲沙？）好攰呀！（何生身體點？）佢OK。」而何超雲對於賽果則表示：「我估中啦！選美唔啱我玩，唔係唔夠膽，只係唔鍾意，（驚着泳衣？）平時去沙灘都可以，要被人評頭品足就唔好囉！」

梁安琪表示冠軍係佢心水之選。

何超雲拒絕被人評頭品足。

文：影視組