楊怡在《宮心計》中憑奸角之突破演出，被外間一致看好將是「視后」大熱，但同劇的過氣「佘穎戀」卻在這段期間被公司擺上枱熱炒，令原本形勢大好的楊怡慘受冷落。
楊怡昨在宣傳活動中說：「多謝外界睇好我，其實個劇未出，角色效果都未知，但有咁嘅講法，對我嚟講都係一粒定心丸。（壓力？）冇，唯一壓力係唔知觀眾鍾唔鍾意，因為我未奸過，驚變得乞人憎。（『佘穎戀』搶你風頭？）唔會，冇所謂啦，無論邊個都好，佢哋盡量影多啲相，為個劇首播做宣傳嘛！（同陳豪玩得好夾？）佢抱我好易，我見佢減肥後輕盈好多，我都想抱番佢轉頭，不過都抱唔起。」
