成功踢走死敵傅穎的鄧麗欣（Stephy），昨日與緋聞男友方力申風騷出席《七年》MV首播會，兩人更互以「阿姐」和「大阿哥」暱稱自動升呢。問兩人怕不怕有七年之癢？小方說：「暫時嚟講公司冇得揀，都冇人。」有報道指Stephy向吳雨霏（Kary）下封殺令，小方聞言笑說：「阿姐，睇住細佬。」Stephy則沒好氣謂：「要開番部《宮心計》，古仔愈嚟愈精彩。（畀人講到女殺手咁怕唔怕影響形象？）以前拍戲成日做畀人蝦嘅角色，依家轉型做奸角有新挑戰。」
另外，Kary前晚開騷，她對不和傳聞感到厭煩：「由Cookies時期就已經傳我同Stephy不和，其實我哋真係交心嘅朋友。（傅穎呢？）少打畀佢，見到面就傾下偈囉！」