自從將黃栢高（Paco）調往管理電影職責後，金牌大風人事變動鬧出不少謠言。有報道指Paco明年會離開金牌大風，更帶走「自己人」雷頌德、側田、吳京，實行另起爐灶。昨日Paco在電話中強烈否認，他說：「絕對冇咁嘅事，我同金牌大風仲有好耐合約，完全冇任何帶走藝人嘅動機，我依家百分百專注電影工作。」有傳側田在金牌大風工作得不開心，Paco就鼓勵對方努力創作：「佢係一個好好音樂人，我冇聽佢講唔開心，發生打交事件我都有ＳＭＳ鼓勵佢。」
由金牌大風投資的電影《武動青春》傳出取消香港上畫，Paco澄清說：「《武》係一套青春偶像片，重點針對內地巿場，內地發行商保利博納計劃安排喺明年初學生假期上映，香港唔可能早過內地上畫。」另外，他與無綫邵氏籌備的新片因劇本送審，才延後至十二月初正式開拍。