昨日Kama（羅凱珊）、Mandy Lieu、莊思敏等出席Elite模特兒公司旗下學校的招募日，於街頭派發宣傳單張。近期人氣急跌的Kama擔任學校代言人，問到會否教導學員如何避免少一點是非時，她即黑臉發爛渣：「如果咁講我真係唔識講喇！」然後欲拂袖離去，記者稱若有學員如此發問，怎能不懂答？她寸爆地說：「咁我真係唔識答喎，睇吓公司有冇需要囉！」其後她派單張時，刻意走到記者群面前說：「我唔會派呢邊㗎！」
同公司的莊思敏得悉Kama發脾氣即說：「發脾氣？咁教出嚟啲學員咪好有性格囉！」問到會否覺得Kama與周秀娜都是外星人？莊思敏笑說：「就算係都係另一個星球。（怕唔怕溝通唔到？）我唔會勉強人，咪少啲講嘢囉，其實佢係我師姐，我都唔敢冒犯佢！」