對跳舞熱誠有增無減的Yumiko，今年主攻內地市場，她說：「內地市場真係好大，公司亦想多啲人打入內地市場，而我係上海人，普通話OK，幾適合呢個市場發展，主力係唱歌、拍戲同拍廣告都有。」

雖然近年經常留在大陸，但鄭希怡不會忘記香港粉絲。

每次表演勁歌熱舞，鄭希怡必定落力演出。

不放棄香港市場

不忘本的Yumiko揚言不會放棄香港基地，她說：「我唔係放棄香港市場，只係願意攞多啲時間去第二度投資。今次確係多咗時間離港，但相對係吸納咗好多內地fans。」問到會否擔心被本地fans遺忘？她說：「都擔心，fans都有留言，我認為有得必有失，我會盡量兩邊兼顧。」

Yumiko坦言自從返大陸掘金後，收入比以前高。她笑謂：「都多咗，依家趁後生，搵多啲錢，仲係搏殺期，我願意負責供樓，租屋住始終比較嘥錢。我希望有機會返上海同父母一齊住，可以照顧佢哋。（捨得離港咩？）都唔係呢幾年嘅事，等我穩定啲先再算，哈哈！」她又希望今年能炮製一首家傳戶曉的慢歌，於中港兩地熱爆播放。

文：專案組　攝：沈健程

化妝：Andy Leung@Make360.com.hk

髮型：Ziggie@P.O.P

服裝：SEE BY CHLOE