鄧建明（Joey Tang）即將於九展開騷，他在個唱上挑選陳奕迅、王菲、許志安等歌手名曲重編演繹。昨日林子祥（阿Lam）帶同名貴古董結他抽空支持，又為Joey的結他簽名，Joey自爆曾與阿Lam相約打高球遲到廿分鐘，阿Lam已經冇影：「佢仲喺我生命中消失咗兩日，從此我唔敢再遲到！」
阿Lam承認最討厭別人遲到，但亦為Joey講好說話：「做呢行個個都遲，鬼叫我早到咩，我唔平衡啫。」太太葉蒨文亦成日遲到，但女人一定遲，所以冇得嬲。前日阿Lam與歌迷共度生日，更拿出舊衫進行大抽獎，略帶倦意的阿Lam說：「依家朝早四、五點就起身，未瞓晏覺有啲攰啫。」
