黎明（Leon）昨晨突然接到愛貓BABA病危消息，匆忙現身慈善活動的Leon為趕往見愛貓最後一面，全程說話不多，更一度搶去主持人手上咪高峰爭辯，令現場充滿火藥味，最後他趕到醫院抱BABA時，牠才輕輕合上雙眼跟主人「告別」，太太樂基兒更傷心得哭成淚人。
Leon昨日現身滙豐與聯合國兒童基金會攜手舉辦的慈善高爾夫球活動，Leon為慳時間，早於活動開始前趕忙受訪，期間透露以其歌名《BABA》起名的愛貓因腎衰竭病危：「BABA入咗院兩日，初初有好轉，但醫生啱啱打嚟話情況有變，提議安排佢安樂死，我話唔好嚇我，希望去畀啲鼓勵佢會救得番，如果唔係都可以臨走前見吓佢。」飼養BABA已7年的Leon，又言BABA是三隻愛貓中最乖巧的一隻，他擔心地說：「好突然，始終有感情，自己未養過寵物，養貓都係近十年嘅事，面對離世更加冇試過。」
小孩變磨心
活動上Leon仍強擠笑容，但當被主持人問到第二年參與此活動原因，全程說話不多的Leon說：「原因係唔需要講。」談到Leon為慈善網站捐出親筆演唱會DVD作為首件拍賣物時，Leon亦不願多加介紹說：「如果介紹就會hard sell咗。」令主持人相當無癮，邀請Leon落台休息時，寸爆謂：「多謝Leon今日教識咗我好多嘢。」
及後大會安排三位小朋友「扮嘢」出場，包括高爾夫球好手、銀行家及學足Leon打扮的「小黎明」。當主持人問「小黎明」希望長大後的理想職業時，Leon忽然搶咪說：「呢啲好難答，佢唔識講中文！」主持人未有理會一反常態的Leon，續以中文與「小黎明」對話，一度與Leon爭辯，令「小黎明」頓變夾心人，最後主持人獲「小黎明」以中文回答「係」時，更晦氣地說：「都話佢識講中文，你呢排係咪聽得多英文？」似有暗寸之嫌，Leon亦惟有尷尬一笑。
不出席火葬
據知，Leon完成工作後即與Gaile趕到醫院，可惜仍不及一見BABA最後一面，BABA離世後，仍半開合小眼，待Leon最後一抱一摸，才輕輕閉上眼睛，Gaile此刻已哭成淚人，Leon則強忍淚水安慰愛妻。Leon亦已為BABA安排火葬，但因工作關係將不會出席。
採訪：音樂組