當晚七點幾左右，八太喺天后間浣紗廚房食緊飯，無耐見兩個街坊裝打扮男人嚟到，望真先認得係歐陽震華（波比）同阮兆祥（祥仔），身邊除咗各自嘅另一半外，仲有一個身形十足嘅男性友人，見到佢哋坐低唔夠一陣，就已經叫到成枱餸，結果食到九點幾先埋單走人。但一行出門口，波比同祥仔腰間腩肉即時「唧」晒出嚟，加埋同行友人企埋一齊，真係幾壯觀！

黑夜睇，劉浩龍身形尚算標準。	食飽後，祥仔即時現出巨腩。	波比、祥仔與友人企埋一齊，場面壯觀。

接受現實改過自「身」

之後諗住行過隔籬間便利店買支烏龍茶消下滯，咁啱得咁橋又畀八太遇見劉浩龍，忍不住暗叫「Oh My God」。點解？因為佢個巨腩絕對唔講得笑，完全同之前嗰兩位仁兄有得揮，計落佢得嗰三十幾歲仔，仲有大把世界，唔怪得佢最近猛同人講要狂做運動瘦身，起碼都叫做肯面對現實，抵讚！

文、攝：追蹤組