張智霖、楊怡、謝天華、胡杏兒、洪卓立昨日為無綫新劇《魚躍在花見 朝》試造型，當中以賣魚佬造型示人的張智霖，離開無綫五年後再次拍劇，心情緊張，他笑說在劇中會與楊怡有感情戲及強姦戲，更會與楊怡、杏兒有親熱戲。問他拍親熱戲，老婆會否唔畀？他說：「講笑啫，劇本都未出。」
楊怡則笑張智霖亂噏：「其實我係同天華一對，可能張智霖對我太有幻想喇，我係佢幻想對象。」對於有指她憑《宮心計》成為「視后」大熱一事，她說：「我成日畀個背脊人睇，所以叫做『視後』，雖然對獎項屬平常心，不過對套劇都好有期望，因為係我第一套演嘅奸角，不過自己就睇好雯女攞獎。」而洪卓立在劇裏演楊怡細佬，首次拍廿集劇，心情難免緊張，但他相信身體健康應付得到。
另外，杏兒、張智霖前晚出席歌唱比賽活動，其中杏兒透露讀書時曾參加歌唱比賽，雖然三甲不入，但奪得最有潛質獎。