謝賢（四哥）昨以代言人身份出席「三皇集團－古漢養生精免費強腎講座」，席間被問新抱張栢芝是否再懷孕，四哥即笑說：「未有，唔好捕風捉影，（栢芝少出嚟係安胎？）安咩胎吖，湊仔呀，做謝霆鋒個老婆咁易㗎，霆鋒打機佢都只可以睇背面，側面都睇唔到。」四哥承認恨再抱孫，記者叫他送強腎藥給霆鋒，他說：「梗係唔使！係都食多仔丸啦，佢哋冇時間『造人』啫。」還讚栢芝：「冇估到後生女咁鍾意生細路，佢知道我哋啲種好呀。」
四哥又透露孫仔Lucas精靈活潑，模仿米高積遜似模似樣，甚有表演欲，四哥亦對婷婷男友安志杰讚不絕口，當記者提到拉姑棒打鴛鴦時，四哥說：「點棒打呀，一棍打落去呀？」
此外，任嘉賓的韓君婷未接到新工作，她笑言開始坐食山崩，幸自己花費不多，而感情方面也未有着落，但有貓咪相伴不覺空虛。