徐子珊昨日為新碟造勢，以背心熱褲造型現身旺角街頭，大跳自摸、趷Pat等誘人舞姿，吸引大批男途人圍觀，子珊坦言近日多咗男歌迷，更直言不擔心遭狂迷突襲，大讚歌迷乖乖！
昨日徐子珊為首張專輯《Kiss Me Kate》造勢，特別出動流動舞台，在旺角大型商場門外載歌載舞，吸引數十歌迷及途人圍觀拍照。身穿背心熱褲的子珊，獻唱新歌《Hit Me》的時候，盡展自摸、趷Pat、打屁股等誘人舞姿，不少途人即以手機拍攝。子珊更無懼被狂迷突襲的危機，到台下與歌迷大合照，她說：「我都緊張，話晒係第一次喺街頭跳舞，但又唔會擔心，雖然多咗啲男歌迷，不過我啲歌迷好乖㗎！」
歌迷送秘笈
子珊之後到唱片店舉行簽名會，歌迷送上自製的《讀心術》「秘笈」，又送上有「20090910」車牌的遙控模型車，她即大讚歌迷有心思：「個車牌係我出碟日期，好開心！平日拍劇好少見到歌迷，我知今日有海外歌迷嚟咗，遲啲要拍劇又見唔到，不過會同fans搞個卡拉OK聚會！」她透露已買逾百隻唱片送親朋戚友。
喉痛照練歌
對於早前被指唱現場走音，子珊表示有積極練歌，連喉嚨痛亦照練，她說：「我已經食咗兩盒喉糖打底。（驚唔驚被人叫徐走音？）唔好啦，放過我啦，好在傳媒、朋友都好錫我好包容我！」
文：音樂組