前晚，Chrissie、羽翹和羅仲謙應邀出席剪綵活動時，Chrissie繼續行性感，以連身迷你裙上陣，大騷長腿，不過，大會現場的表演台卻成了走光陷阱，Chrissie一上台就被發現裙底春光盡現人前，相當失禮！就連同場的五位模特兒亦難以幸免，齊齊洩裙底春光。

谷到胃氣脹

事後，Chrissie聲稱有打底，似乎未有介懷，而她回應被指有富商介入感情搞到與髮型師男友分手一事時也言笑晏晏，並例牌否認：「我同男友感情穩定！我哋唔會為呢啲新聞嗌交，大家訓練緊（EQ）。嗰晚出席完講座，我都有同男友食飯。」Chrissie又否認有富商追求以及曾被問價，更打趣反問記者：「你哋有冇介紹？真係冇人問價，我都係捱㗎喇！」

至於被指情緒失控，她再反問記者失控的定義，自爆：「唔會亂掟嘢，唔發癲！」更言自己沒有公主病，但就承認：「做嘢一定有壓力，情緒係唔開心，身體會唔舒服。」當被問到谷埋谷埋是否很辛苦，Chrissie更搞爛Gag表示自己谷到胃氣脹！

羽翹怕快車

另邊廂，同場的羽翹表示抗拒坐快車，她說：「我耳水不平衡，試過坐快車會嘔。」她又笑謂如果自己有車牌就死得人多：「我對會郁嘅嘢都控制唔到，包括遙控車，加上方向感好差，所以覺得揸車唔啱我。」問到會否找男友駕車接載，她則強調現時沒有拍拖。

文：名人組