11/10/2009

播放本新聞相關短片

何韻詩自認抄祖兒

何韻詩前晚在台上以「似女非男」的冶艷造型登場，其中火紅色緊身戰衣黐上鮮紅色羽毛鬍子令阿詩當堂Man味十足。之後阿詩一身白色造型將上衣脫去，換上性感鐵罩Girdle，引來嘩然。有相當台上經驗的阿詩，前晚竟老貓燒鬚，演唱《勞斯萊斯》時忘記歌詞甩嘴，阿詩惟有向台下歌迷求救「提水」十分搞笑。
阿詩換上性感鐵罩Girdle，可惜無甚睇頭。
  • 阿詩換上性感鐵罩Girdle，可惜無甚睇頭。

最後阿詩以銀色波波裙造型出現，其神髓打扮與好友容祖兒激似，阿詩對此抵死地說：「係咩，咁我奉獻呢Part畀佢睇啦！（你特登抄佢嘅？）梗係啦！」阿詩坦言祖兒會睇第二場，但未知對方會否甩底。