「八模兵團」中，A. Lin及Dada Lo由出寫真至今，都各有不少fans到場支持，由於二人經常齊齊出席活動，因而令兩邊fans更容易發生摩擦。

互鬥大聲

昨日A. Lin、Dada Lo以及譚凱琪齊齊出席「西九龍中心《MW毒氣風暴》收藏展」揭幕，A. Lin和Dada事前已約好以黑衫曲髮的「孖公仔」Look現身，可惜台下兩班fans卻因此而展開對罵，互鬥大聲高叫偶像名字。由於A. Lin的 fans人多聲壯，Dada的 fans便相對遜色。期間一名A. Lin 的fans大嗌：「叫得咁細聲就唔好嗌啦！」令「罵戰」一觸即發！縱使台下fans嗌得激烈，但在台上的她們卻玩得相當投入，還不時向他們揮手示意，令fans更為落力。

遊戲完畢後，A. Lin直言知道fans們嗌得辛苦，所以每次都為他們準備潤喉糖，難怪fans如此「放縱」。被問到fans發生內訌，A. Lin即縮沙謂：「fans嘅事交畀公司處理。」Dada則大方幫口：「有fans大嗌係好事。」

當眾辱罵

對於周秀娜被人公然侮辱，A. Lin撐師姊說：「可能嗰個人只係飲醉酒亂講說話，清醒後會知自己講錯。」她還笑言如果是自己被人當眾侮辱，fans定必會衝過去。Dada表示如果事件發生在自己身上，會扮聽唔到。

A. Lin與Dada稍後將會聯同楊千嬅及余文樂等人拍戲，所以現在一有空餘時間便會學戲及練唱歌。而Dada更會與周秀娜合拍鬼片，更謂曾試過用粗口「罵鬼」。

文：專案組