Theresa與金牌大風因合約問題，雙方關係已達水火不容地步。自九月底開始，雙方以律師信來往「互片」，昨日就解約問題再各執一詞。Theresa首次以星皓旗下藝人身份出席「愛心獻保良」慈善活動，得星皓經理人部董事總經理彭淑霞及兩位新同事全程「護航」，在場約卅多fans高舉「無懼風風雨雨T's Family 全力支持Theresa」的紙牌，為偶像造勢。
如打官司攬上身
有備而來的Theresa甫見傳媒即表示要感謝傳媒及舊公司：「好多謝金牌大風七年嚟嘅栽培。」她指上個月金牌大風主動公開以「無條件」下與她解約，諮詢過律師意見後，只要發具有法律效力的律師信予舊公司示意offer意願，就可完成解約手續。但金牌大風在聲明中指她合約未完，問到是否有違約之嫌？Theresa堅持說：「我聽律師意見，依家解咗約。」再問金牌大風可有回覆？她重複說交律師處理。
Theresa又稱若與金牌大風打官司，自己會攬上身：「自己同舊公司嘅問題，由自己解決。」問到訴訟費由她還是星皓支付？彭小姐即插嘴說未到此地步，未收到金牌大風採取法律行動的信件。
金牌大風反駁Theresa平均每月超過六位數字的收入，但她否認說：「我唔認為係事實。（有冇證據？）需要時會有。」被問可擔心被指反骨？Theresa凝重謂：「我係有原因。」有報道指Cookies舊成員楊愛瑾暗示不想被她借做宣傳，Theresa就覺得對方不是這個意思。
要求Theresa交代
另一方面，金牌大風CEO陳輝虹反駁Theresa：「只係佢單方面認為（解約），Theresa同金牌大風、TalentBang Limited合約仍然生效！佢以為分別發律師信畀我哋就解到約，呢個世界太兒戲，唔可以未完約就簽另一間公司，要解約都要有解約書。」他又覺得Theresa是嚴重違約，與重婚無異，故一定會採取法律行動。陳輝虹昨日得知Theresa簽約星皓後，已即時透過律師書信要求她交代。問他是否會告Theresa？他強調：「一定採取法律行動，最快聽日（即今日）會再發律師信畀佢。」
傅穎與金牌大風解約事件出現爭拗，律師梁永鏗對此表示：「雖然一方公司口頭上話無條件放人，但係唔清楚佢哋細節上有冇傾清楚，如果藝人嘅合約係由兩間公司共同擁有，一定要共同同意，白紙黑字落實先可以正式解約，否則藝人簽新公司係構成違約。」
文：音樂組