本文重點
楊千嬅昨日現身旺角鬧市為好友Ronnie的爆穀店做開幕嘉賓，千嬅表示好友做老闆兼且是十月新郎，但因她工作未能赴宴，故答應任剪綵嘉賓。提到做老闆，千嬅說：「唔叻做生意，之前二手衫店同拍檔都冇時間打理，做咗兩三年，約滿咗冇再續約，蝕咗少少。（叫老公丁子高打理？）好多人以為我老公有份，其實唔關佢事，分分鐘佢打理會冇咁蝕嘅。」
千嬅自嘲投資非最叻一個，大家即笑千嬅赤柱豪宅為她勁賺三千萬一事，千嬅笑謂：「投資角度係好吸引，但私人屋企嘢企喺條街講唔係咁方便。係有人問過價，但未正式成交，暫時忙緊拍戲，父母諗法係搵到合適地方先賣，但估唔到咁快有人知。」屆時千嬅可會入住丁家？千嬅謂：「等下年結婚（即擺酒）先搬，忙埋出年紅館演唱會先諗。」千嬅父親喜歡蒔花種菜，故選擇新居要有可種植的地方。
與余文樂頻NG
而千嬅近日亦準備拍戲，前晚她於牛頭角某茶餐廳與余文樂、谷祖琳拍預告片，其中一個場口是講千嬅與小谷在茶餐廳食飯，之後阿樂來到，千嬅出門外接他，而阿樂一見千嬅即點煙與千嬅「講數」，雖是簡單鏡頭仍NG十次，見阿樂冇晒表情，千嬅卻一貫「喪笑本色」。
文：音樂組 攝：李廣成、追蹤組