陳美詩（Macy）與孫耀威（Eric）早前再度被影到同車，前晚Macy出席手錶活動時，解釋當日只是搭Eric順風車：「佢做完手術有兩、三個星期冇出街，我哋一班朋友約佢出嚟食飯，飯後大家同路，我咪搭佢順風車，當時唔止得我同佢，佢去覆診，我另外有工作。」問到二人是否拍拖時，Macy不置可否：「都係工作為上，向來唔會認。（你唔否認拍拖？）盡量低調，唔回應。（有默契？）我入行四、五年，向來唔講感情事。」言談間默認二人情侶關係。