本文重點
今日生日的熊黛林（Lynn），經過昨日本報獨家披露她飛赴泰國與城城慶祝29歲生日後，即惹來不少傳媒虎視眈眈，追蹤兩人的行蹤。據知Lynn和城城為避耳目，已自行封鎖對外通訊，實行全情享受二人世界。
Lynn前晚風騷飛泰國，為慶祝今日生日作好準備，在泰國期間亦自行封鎖對外通訊，全心全意奔向城城，其模特兒公司經理人Kim表示沒有與Lynn聯絡，她說：「佢放假唔會打電話畀佢，佢都冇打畀我。」而城城經理人小美則表示城城昨早便在泰國開工拍戲，由於地點偏遠接收不到電話訊號，故至截稿前仍未能聯絡上。
雖然Lynn不在港，但就有她的同門師妹Angelababy為她解答所有問題，前晚Baby出席其所屬模特兒公司Style兩周年慶祝派對時說：「話Lynn同個上海猛男食飯，我覺得好好笑，佢其實係我哋公司高層。（Lynn為情自殘？）我覺得佢唔會，佢係一個好開心好搞笑嘅人，近排都冇見到佢唔開心。」而Amanda S.指愛情是盲目的，對此Baby說：「我覺得初初熱戀時係會盲目，不過耐咗之後就會冷靜番。」
只係puppy love
問到Baby可曾試過為愛情變得盲目，她坦言初戀時試過：「我暗戀咗個男仔半年，之後係佢問我先開始。當時我覺得人生最重要嘅就係佢。不過只係puppy love，依家見番已經冇感覺，大個咗諗法唔同咗。」Baby表示與對方拍拖半年，但只去過兩次街，因對方往外國讀書而告終。第一次失戀的她，自言喊還喊，但絕無自殘。再問她可會對緋聞男友陳偉霆愛得盲目，她即笑言：「佢係我好朋友，我哋好冷靜。」
而另一同門陳碧舸，亦表示不覺得Lynn不開心，她說﹕「佢好開心，感覺上佢冇感情煩惱，冇需要同我分享。」
文：名人組