張繼聰（Louis）前晚舉行新碟音樂會，吸引楊崢、葉問兒子葉準及Louis家人捧場，未知老婆謝安琪（Kay）有否到場打氣，Louis小師妹王若琪出任嘉賓。Louis全晚換上兩套歌衫，大唱大跳串燒快歌，引得部分歌迷衝出台前，期間Louis感動得淚流滿面說：「有咗家庭責任唔同咗，做咗父親就覺得父親好偉大。」他又提到慘被負面新聞纏身：「隔唔夠兩個星期就畀人標籤，好多謝家人、朋友同埋歌迷的支持。」
事後，Louis否認流下男兒淚，強調是汗：「鐵漢柔情嘛。（點解唔見Kay？）佢有嘢做。（連花籃都唔見？）唔使啦，死攞爛攞返到屋企咪擺喺佢隔籬。」
