前晚，一眾無綫藝人鄭嘉穎、胡定欣、曹敏莉、楊洛婷、鄧萃雯、汪明荃、曾志偉及歌手謝安琪、張敬軒和方珈悠等，出席君悅酒店舉行的「屈臣氏健康美麗大賞2009」。

方珈悠「唔輸蝕」

性感打扮的女藝人令人眼前一亮，身穿吊帶deep V裙的楊洛婷「胸」湧而出，曹敏莉和樂壇新人方珈悠分別以tube dress谷胸赴會，胡定欣和謝安琪亦以短裙上陣，「視后」大熱之一的雯女亦唔輸蝕，以露背連身裙狂騷白滑玉背。

曹敏莉與方珈悠一樣咁有睇頭。	放大圖片	鄧萃雯一於留前鬥「後」騷靚背。
胡定欣是夜無甚驚喜。	謝安琪前晚出席活動，故未能捧老公場。

嘉穎食「防腐劑」

西裝骨骨的曾志偉透露其代言的健康產品獲「冠軍蟲草」獎，會否乘機加酬勞？他笑言：「加幾條冬蟲草！」鄭嘉穎說每天都有吃自己代言的健康食品，笑指吃完後像吃了「防腐劑」，問他有否送給緋聞女友佘詩曼？他說：「唔講，問嚟問去都係呢啲，冇新意！」說到視帝視后之爭，嘉穎坦言睇好黎耀祥及飾演《宮心計》的楊怡榮獲視帝視后，但沒提及大熱之一的阿佘。

而雯女則睇好「柴九」黎耀祥奪視帝，最近她接下不少廣告，問她交稅豈不是「好甘」？雯女笑言：「唔夠祥仔甘，佢簡直無處不在。」

文：音樂組