楊愛瑾（Miki）昨以Tube Dress短裙出席化妝品活動，並示範新一季妝容。未過檔前大呻零收入的Miki，瘦剩九十二磅，她希望積極增肥五磅。她說：「我個身太薄，肥番啲係有需要。（男友有冇投訴？）我都冇男友，外邊寫啫！（係咪過緊闊太生活？）唔好問呢啲，我喺過去呢個月嘅工作，賺咗六位數字，好開心。（好耐未試過？）又唔好咁講，我三年嚟都未買過新衫。（依家心情開朗咗？）係，之前我成日諗自己會唔會患抑鬱病。」
而同場的劉心悠得鈴木仁餵食提子而大感尷尬，面紅標汗。她笑說：「除咗阿爸外，我第一次畀男仔餵，仲要我張大個口，我覺得好肉酸。」
