亞姐決賽定於十一月一日晚舉行，屆時將有重量級評判劉曉慶及表演嘉賓王力宏，以及十多位性感的亞姐，號召力自是不少。無綫備受威脅，將炮製以曾志偉主持的兩小時特備節目《無敵獎門人惡鬥美女廚房》作對撼。無綫更大擔置陳志雲「不用o靚模」之「柯打」不顧，選用o靚模周秀娜以及椋名凜迎戰亞姐。亞姐負責人葉家寶對此大表歡迎：「多謝畀面，我哋唔止賣身材，其實我哋仲有更具實力嘅神秘嘉賓演出，十月廿四日嘅準決賽，王傑將會做表演嘉賓。」