呂慧儀昨日雖與風頭躉周秀娜同場，不怕對方搶風頭之餘，更開腔力撐。呂慧儀以科大校友身份說：「我好欣賞周秀娜，佢份人好nice，我本身係科大畢業生，個講座如果叫『解讀o靚模現象』，佢冇孭咁重飛，會冇咁大壓力，或者係從未試過請咁輿論性嘅嘉賓。（佢夠勇氣？）分享唔關勇唔勇氣事，可能校長係佢fans。（佢夠唔夠班出講座？）邀請佢係講工作，請霍金就可以講得學術啲。（本地大學師生平時講嘢真係有咁深奧？）我就唔會成日拋書包，溝通到就算。」