自出席完科大講座後，Chrissie慘被口誅筆伐，她前晚穿上紫色top到尖沙咀出席酒吧活動，吸引不少酒客及龍友到場一睹其風采。完騷後，Chrissie落街接受訪問，突然有一把女聲充滿挑釁性大叫：「波大冇腦周秀娜，好大對……」縱使被惡意針對，不過她仍無動於衷，當聽唔到繼續接受訪問。

自認有墨水

問Chrissie有否聽到有人大罵她時，她笑笑口說：「聽到佢講乜，不過自己冇唔開心，經各位訓練後，依家腦袋OK，有少少墨水！」是否去完科大後墨水多了？她說：「不嬲都冇乜，我都公開咗話自己中五畢業，依家都有學嘢增值！」

談到是否覺得特別受女性針對？她說：「冇試過，呢啲係個別事件，冇唔開心！」她強調從來沒有想過成為女性妒忌對象而感到開心。問她是否覺得男性比女性更支持她時，她說：「唔覺喎，身邊都有好多女性支持我，平時有乜唔開心，都係同女性朋友傾多。」

走光冇得避

Chrissie昨日出席活動時，問當日的教授問題是否十分刁鑽？她說：「教授講嘅嘢我都唔理解，我以為淨係問工作，只係分享我嘅想法，點知出嚟就唔同咗！」其後她更自爆：「露底係冇可避免，嗰日阿媽打嚟問我點解露底，當時我未瞓醒唔識答，不過真係唔好意思！」

此外，Chrissie的師妹Hailey C，昨日於Blog上載不少她們食燒烤的照片，Hailey還踢爆Chrissie最喜歡食燒烤。

文：專案組