Angela放大假到日本暢遊，她專程到鬼怒川浸溫泉，感覺新奇，她笑說：「我係第一次試咁傳統嘅溫泉，冇乜旅客，都係本地人多，我同班朋友一齊去，但對於識嘅朋友赤條條我覺得好尷尬，所以要趁佢哋浸完晒去瞓，我先一個人去享受。」

毛巾細遮唔晒

浸溫泉時一絲不掛的她，始終不習慣，她笑說：「條毛巾仔好細，乜都遮唔到，不過我浸時全部係日本人，先冇咁尷尬。」由於她不懂規矩，浸溫泉時不但四圍望，還多次將毛巾放在溫泉內洗淨，她笑說：「翌日我聽啲日本朋友講，先知自己咁做好唔啱，係冇禮表現，唔怪得啲日本人係咁望住我。」

住民宿待遇好

此行她居住在埼玉縣，她說：「係蠟筆小新創作人臼井儀人嘅鄉下，所以電視新聞不斷播放臼井儀人逝世消息。」首次住在民宿的她笑說：「啲早餐有魚有菜有飯，豐富到好似晚餐咁，我又食咗自助餐，有長腳蟹食添。」由於日圓高企，她未有大出血購物，她笑說：「上次去日本已經戒買衫，不過我好鍾意喺日本搜羅二手衫，好多時執到靚嘢。」

文：音樂組