樂壇新組合4anda（son）早前現身奧海城出席耐力比賽活動，大唱新歌為參賽者打氣，現場分享耐力經驗，四子謙虛表示要反向參賽者學習，Kison說：「真係好佩服佢哋可以企定定6個鐘，我哋最多係體力上有耐力，如果要我哋連續打波6個鐘就應該有可能嘅。」
Kison又透露在讀書時期曾參加交通安全隊，他說：「嗰陣試過企到頭暈，唔知係因為太曬定可能係我天生企唔定。」4anda（son）又推舉Jason耐力最強，Hanson說：「雖然大家都唔算有耐性，但Jason已經係4anda（son）之冠喇，我哋紮馬通常係佢紮得最耐。」
