黃欣（Lena）月前被傳媒拍得與側田雙雙出入澳門酒店，更一度傳出「十指緊扣」，Lena日前接受本報訪問，全程以「好朋友」稱呼緋聞男友側田，問到日後會否與對方保持距離？Lena說：「自從今次件事都會小心同避忌，我即刻同公司講，唔想公司誤會，都做定心理準備會畀人起底。（傳緋聞人氣急升？）冇諗，都冇感覺到有人氣。」

慎重選友

她否認側田對她追求？Lena說：「大家只係好朋友。」剛加盟唱片公司的她覺得歌手與演員生活很大分別，她說：「舊時唔會咁多人留意自己，始終唔係花旦，自由空間大啲。（有冇畀報道嚇親？）少少驚，因為唔識處理。（有冇後悔？）冇得後悔，因為冇得揀。」Lena承認曾經被公司「訓話」，經理人也提點她要帶眼識人說：「叫我小心識朋友。」

冇做援交

Lena透露近月有傳o靚模做援交，曾擔心自己被歸納在內，她說：「少少擔心有人誤會自己，始終自己唔係呢啲人，做每樣嘢要過得自己。」對於側田有「地圖王」稱號，Lena說：「唔知，冇睇過報道。（想唔想睇佢個頭？）冇特別興趣。（唔好奇？）冇喎。」

文：音樂組

攝：謝國華