本文重點
o靚模曹卓榣（Cc）跟男子組合4anda（son）對舞火龍活動甚有興趣，故特意到大坑了解籌辦舞火龍儀式。年輕力壯的4anda（son）自動請纓要於下年舞火龍，身為女士的Cc亦表示要鍛煉體力，一嘗做「樁腳」的滋味。
Cc日前聯同4anda（son），到大坑向一班負責籌辦舞火龍儀式的幕後英雄探班打氣，當Cc聽到來年舞火龍活動有可能會打破百年傳統，讓女士們參與做「樁腳」，一嘗舞動龍身的滋味時，即自告奮勇要參與其中：「我好有興趣想試，今日我就做定運動，練好臂力，等出年可以大派用場。」
似日本祭典
Cc又指舞火龍跟日本的祭典相似，同樣熱鬧又有氣氛。談到火龍的製作過程，Cc感慨的說：「聽工作人員講，龍身用嘅草要特別訂購，以前啲草多數係來自獅子山，但依家好多地方都起晒樓，冇乜地方可以見到草嘅蹤影，所以製作火龍嘅草全部都要同人訂，證明香港愈來愈少綠色。」
4anda（son）四位男士亦有興趣舞火龍，四人異口同聲說：「舞火龍好man、好有氣勢，我哋都好想參與，我哋幾個唔怕重、唔怕熱，因為平時都有做開運動，應該可以應付到。舞火龍申請緊第三批國家級非物質文化遺產，如果出年可以參與做『樁腳』，會特別有意義。今年我哋就抬蓮花燈，出年一定要舞火龍。」
文：影視組
攝：吳文聰