梁俊一為了拍攝新片《同門》，需要漂染金色頭髮配合戲中社團大佬角色，他表示漂染過程苦不堪言，頭皮亦被弄傷。為了連戲更不可隨意將顏色脫掉，令他整整兩個月攞正牌做「金毛」，他說：「最初整咗個金頭髮，返屋企時連阿媽都嚇親，最後要同佢解釋係配合部戲啫。」
梁俊一直言金毛為他帶來不便，除了在街上被途人投以奇怪眼光外，更多次遭警務人員在街上截查，他說：「有啲警察認得我，問我係咪拍戲造型，有啲就當正我係壞分子截查囉。」為了做到最好，開拍前兩個月更不停做健身，他說：「因為戲中我有裸露上身鏡頭，咁當然要操大隻啲。」
