曾在電視台工作的樂瞳，擔任過遊戲節目的「禮物小姐」、亦飾演過電視劇的路人甲乙，苦候兩年，樂瞳終於得償所願，搖身變成組合農夫的師妹，她說：「做歌手一直都係我目標，之前做電視台都係等機會，上年我去睇農夫個騷，喺後台認識咗DJ Tommy，仲傾得幾投契，佢仲叫我去試音！」

唔怕偷拍

對於藝人缺乏私人空間，問她可擔心被偷拍？樂瞳說：「有人跟即係有人想認識我，只要行為上冇錯、唔影響人就得，我會照篤魚蛋㗎，喺街熱吻就話唔好啫！」

試音成功而正式簽約後，樂瞳被安排秘密練兵半年，她謂：「無論形象定唱歌都要大執，有時會諗點解啲嘢同我想像中有出入，講真，都有懷疑！」

大讚老闆

幸好有兩位師兄C君及陸永為她解困，無論在音樂及心理上，農夫都力撐小師妹：「佢哋畀好多意見我，有時見我好緊張，仲會即場輔導我添！」

至於老闆兼伯樂DJ Tommy，樂瞳亦讚不絕口：「無論錄音、出騷、去電台做訪問，Tommy都陪住我，真係冇諗過老闆會咁，所以我對住佢咩都夠膽講，大家都係為件事好，佢都好緊張我嘅想法，成日問我覺得點。」

化妝：Wincy 髮型：Renton Hung@ Salon ide 服裝：edc

文、攝：音樂組