Stephanie昨日與江若琳、吳家欣及羽翹等藝人出席「ctf2活方分店記者招待會」及Catwalk Show，Stephanie與一眾嘉賓戴上大會的首飾行騷，雖然她腳踏四吋高跟鞋，但依然成為全場最嬌小模特兒，抱恙上陣的她行貓步時表現靈活，但就失魂地將手上的手鈪fing甩，事後Stephanie氣若游絲表示：「我前一晚又嘔又頭痛，但好肯定唔係豬流感，因為我冇咳同流鼻水，活動之後會去睇醫生！」

江若琳獲歌迷送鑽石頸鏈好感動。

羽翹（左起）、莊思敏、江若琳、鄭融與吳家欣齊騷閃亮鑽飾。

見耳環如見祖母

問Stephanie有沒有收藏家傳之寶？她說：「我個人好極端，雖然鍾意鑽石珠寶，但就一件都冇，因為我覺得一係唔要，如果要就要最貴！」問Stephanie有否收過男友送鑽戒？她說：「冇呀，我婆婆同嫲嫲雖然唔喺度，但佢哋都留咗對耳環畀我，見到耳環就好似見到婆婆及嫲嫲一樣！」Stephanie又謂鑽戒不必指定男友或老公送，時代女性亦可以買鑽飾送給自己。

歌迷送鏈心不變

另外，江若琳（Elanne）自爆去年收到數十位歌迷送的一條鑽石頸鏈，令她十分感動，Elanne說：「歌迷每人夾百幾蚊送咗條鏈畀我，佢哋話條鏈係對我嘅承諾，會永遠留喺我身邊！」Elanne又自爆入行後曾收過男性送鑽石戒指示愛，卻將她嚇跑，她說：「我叫佢送畀第二個，因為我對佢冇意思，如果我收咗隻戒指會好衰！」 採訪：音樂組