杜琪峯昨日啟程韓國出席「釜山電影節」，出席當地特別為他而設的導演回顧展，並播出阿杜的焦點作。對於早年阿杜所屬公司拍攝的《大隻佬》，當時因替身受傷告其電影公司，最後公司敗訴一事，阿杜昨稱，事件03年發生，當年已照勞工法例賠償對方十多萬，而今次他敗訴，要賠78萬，另加300多萬打官司及堂費等共損失700多萬。阿杜說：「我公司做咗十幾年，今次一鋪過嘔番晒出嚟！我覺得有問題，唔明點判，因法官對受傷者口供認為不可信，又點解判我公司輸？我怕今次案例一開成為風氣，影響香港電影業，所以我會考慮上訴，輸到最後一滴血我都要打落去。」