張智霖（Chilam）昨日以「復明大使」身份現身「青光眼No Way」活動，呼籲巿民多加注意眼睛健康，他說：「會鼓勵身邊嘅人定期驗眼，自己視力都幾健康，可能我鍾意嘅運動都係要用眼力，好似桌球咁，眼部好多鍛煉。」
此外，簽約新唱片公司後，工作量大增的Chilam，笑言最辛苦是每日面對傳媒時要動腦筋想話題，又坦言少了時間與家人相處，他說：「有得必有失，屋企人冇投訴，應該會支持嘅。」即將到日本北海道拍劇的Chilam，表示會完成新碟錄音後才出發。問到太太袁詠儀會否同往？Chilam說：「希望會，好難得，自己未去過北海道，（攞定假？）應該冇喇，之前都花咗長時間同屋企人一齊，玩夠喇，依家要做嘢。」
