崔建邦在警署逗留四十分鐘後離去，一臉嚴肅地說：「10月3日收到滋擾電話、短訊，內容係叫『還錢』，我重申我冇爭人錢，係我阿哥開時裝店欠債，佢自己生意同我冇關，我詢問過公司同律師，決定報案。我同屋企人幫咗佢好多，幾錢唔講，佢生意失敗，成年人應承擔番。（同阿哥關係點？）屋企人，有聯絡，我依家都搵到佢，佢好後悔話會負責。（使唔使警方保護？）唔需要，我唔擔心安全，相信香港警方，我工作如常，警方叫我再受滋擾可以聯絡佢哋。」

崔建邦昨午為節目《My Name Is 邦》錄影，邀請陸詩韻、陳倩揚任嘉賓，陸詩韻回應有報道指她遇人不淑，她說：「我睇完發覺唔關我事，件事過咗咁耐，當日冇回應，依家都唔回應。（慶幸甩身快？）好多嘢講timing，我依家同上年唔同晒喇！」陳倩揚談到被指與賭王疑似五奶貌似時，她說：「都幾搞笑！」