謝安琪在新片《死神傻了》中與許志安飾演夫妻，已為人妻的她笑指很易投入角色：「我同安仔好快就有默契，雖然第一場拍就係嗌交戲，但大家都話我哋好似夫妻。」被問現實中有否與老公（張繼聰）鬧交？她謂︰「由拍拖到依家一次交都未嗌過，可能我嘅性格好啦，好難會嬲到發火，遇到好激氣嘅事都係過一陣就冇嘢。」對於最難忘的戲碼，謝安琪即選獨自在廁所嚎哭的一幕：「場戲講我受咗好多委屈，最終忍唔住喺鄭融屋企嘅廁所偷偷地喊。」