趙碩之最近工作量大增，並將「升呢」做時裝騷評判，同時更學懂賣口乖，出言力撐死敵周秀娜。另外，羅家英與眾o靚模同場，被o靚模們爭相邀合照，令他開心又後生晒。
電影《我要做o靚模》昨日拍攝一場眾o靚模參加比賽爭做「星模」之戲份，趙碩之（Wylie）、王璐瑤、Melody及羅家英等都有現身。飾演經理人的Wylie無緣和師妹Melody一同登上天橋爭妍鬥麗，但透露即將「升呢」，稍後會在時裝騷任評判。
望社會多包容
被問到入行資歷尚淺，任評判會否擔心如周秀娜應邀出席科大講座般惹來抨擊，Wylie自信地說：「唔驚，大會邀請得我一定有我嘅用處，同場都有其他專業評判，其實我都有少少戥周秀娜唔抵，始終都係後生女仔，公司都係接受到邀請至畀佢去，咁多反對聲音令到大學方面都有啲尷尬，希望大家畀多啲包容啦。」曾經與周秀娜針鋒相對的Wylie，經過被雪經驗後，明顯學會圓滑。
家英哥受歡迎
此外，同場的羅家英於現場大受眾o靚模歡迎，不時被邀合照，家英哥說：「個個都好有前途，又識尊重老人家，總之就係青春無敵，好少同咁多年輕女仔一齊，搞到我開心又後生晒。（靚唔靚呀？）各花入各眼啦，身材就梗係好。」家英哥透露剛和阿姐度過婚後第一個中秋，一齊到李克勤家作客，克勤囝囝鬼馬又得意，氹到大家都非常開心。
文：影視組