余文樂前日出席新片《同門》優先場，對手之一的官恩娜（Ella）曾表示在片中受盡阿樂折磨，當中更不乏虐打戲份，阿樂坦言Ella角色非常慘情，幾乎每次出場都遭粗暴對待，可惜他亦未能憐香惜玉。阿樂說：「我都驚整親佢，但冇辦法啦，唔想出嚟太假，惟有佢辛苦啲囉。我仲要扯佢頭髮，不過Ella遇到我算好彩，因為我已經係最輕手嗰個，如果畀着杜汶澤仲大鑊啦！」
阿樂至年底前尚有四部電影要完成，他透露將與楊千嬅合作拍攝新片，但要趕及於月底拍竣：「最慘就係套戲好多對白，惟有多做準備，月尾又要飛去第二度開戲，真係忙個不停。」
