Suki與未婚夫黃浩（Kenny）昨午拍攝婚紗照，她只影了第一套衫便倒在梳化上休息，患上「孕婦渴睡症」，她受訪時更說：「估唔到咁攰，平時呢個時間我瞓緊晏覺，一日夾夾埋埋最多可以瞓十二小時。」

雖然Suki仍避談ＢＢ，但所有孕婦特徵紛呈，如上圍升cup及腰肢粗圓等，她更自爆近來突然愛吃紅豆雪條，吃時更覺得自己好幸福！有人叮囑她勿多吃「生冷嘢」，Suki一臉尷尬的說：「我冇食消夜習慣，第二日有ＢＢ都唔會暴肥。（第二日？）即係真係懷孕都唔會好肥囉。」

大晒幸福

這位準新娘子直言對tube dress情有獨鍾，所以昨日揀的四套婚紗，清一色以tube dress為主，Suki又大晒幸福：「Kenny話佢食到好嘢，同娶到個靚老婆最幸福喎，我咪話佢：『唔靚你都唔娶啦！』」記者要求二人咀嘴時，Suki只願親吻未來老公面頰，不過二人四目交投的冧樣，已經幸福滿瀉！

等收金飾

談到嫁妝時，Suki指現時黃金價格高昂，她特意揀着旗袍來襯金首飾：「睇吓會唔會收多啲金器，之前我淨係諗住帶番自己三隻貓仔走，當係嫁妝咋。」目前她還未覓得合適愛巢，如無意外將會與老爺奶奶同住。 文：影視組