阿Sa昨日以「榮譽校監」身份和鍾舒漫、葉文輝到關智斌（Kenny）的母校出席「飛躍校園2009」活動，她甫現身即獲全場男生熱烈歡迎，其後阿Sa更落台與學生影大合照，並將手上的燈籠送給學生，引來全場哄動，情緒高漲的同學更紛紛伸手爭奪，工作人員為免混亂，馬上走上前保護阿Sa，但阿Sa依然全程四萬咁口，邊派燈籠邊說：「中秋節快樂！」難怪電暈一班男學生。

阿Sa派燈籠，引到學生哥爭住要。

（左起）鍾舒漫、阿Sa和葉文輝出席校園活動大受歡迎。

初戀情人有聯絡

事後阿Sa坦言到學校出席活動令她勾起不少讀書時的片段，自爆初中讀女校的她，透露初戀男友當年到學校邀請她跳舞而認識，阿Sa說：「佢其實係舊校友，不過去咗英國讀書，咁啱嗰年聖誕返咗嚟香港，佢就請我跳社交舞，跟住我哋仲拍埋拖，佢係我初戀情人！」阿Sa透露和初戀情人至今仍有聯絡，對方現時亦有一位要好女朋友。

新劇延播惹不滿

另外，阿Sa和賀軍翔主演的台灣電視劇《呼叫大明星》不斷延遲播放，阿Sa坦言感到少許失望，她說：「套劇今次播放形式唔同，因為要配合大陸同步播映而延遲，我都好希望快啲播，亦知道啲歌迷有啲唔開心，不過好嘢等吓係值得㗎！」

採訪：音樂組