出道三年的Sherman以勁舞歌手身份而為人所熟悉，昨日Sherman推出第四張個人大碟《給自己的信》，一改作風搖身一變成為感性唱作人，大碟中超過一半歌曲亦由Sherman譜曲，而歌詞則透過填詞人遊思行將其段段親身經歷娓娓道來，Sherman表現雀躍說：「真係好希望透過音樂，同歌迷分享我嘅音樂同內心世界。」對於主打歌《給自己的信》在各大電台及卡拉OK榜中取得好成績，有望取得出道以來首個全線冠軍歌，Sherman就感謝樂迷與K迷支持，據知，加州紅更會於稍後公布熱點歌曲以作鼓勵。

加入學舞照片

Sherman又言唱片內11首歌，亦分別圍繞一個主題「Relationship & Completing」，她說：「每首歌都係代表唔同嘅單位同對象，有自己、天父、妹妹、媽媽、第三者、舊情人等等，呢啲人一定喺我哋生命中出現過！」大碟內更加入早前Sherman到美國學舞時的生活照，令樂迷貼身感受Sherman愉快之旅。

彈琴唔睇曲譜

此外，Sherman昨日與師姐蔡卓妍齊齊現身校園活動，Sherman趁機送上自己的新碟，又在台上首次公開自彈自唱鋼琴版《給自己的信》 ，大叫緊張的Sherman說：「練咗好耐，嚟緊月中舉行首個迷你音樂會都會再彈，今日算係試吓反應啦！」Sherman又言14歲已考獲8級鋼琴，讀書年代，每年亦會為同學伴奏，談到表演鋼琴，Sherman更有其獨特一套說：「自己唔睇譜彈，睇住反而彈得冇咁投入。」

文：音樂組