何守信（何Ｂ）八月於非洲拍無綫特輯《活着》時，因差錯腳令右腳骨折，即返港接受手術。經過十課腳部物理治療，何Ｂ昨日終可自己步行，只是偶爾需用拐杖輔助。何Ｂ為此興奮不已，笑言從此可以照顧自己，重拾信心。昨日陳麗斯（Grace）駕車接送時，亦毋須落車扶他。
何Ｂ說：「我今日好叻，第一次可以自己行，又唔使用walker，只係用個單腳拐杖，輕便好多。隻手都冇咁痛啦，之前我出入要Grace接送，佢都辛苦。（對Grace有咩表示？）好多謝佢。（你哋冇註冊結婚，今次會唔會以婚書作禮物？）唔使嘅，我哋係冇註冊，只係交換戒指，幾個朋友食飯。我哋都一齊咁耐，形式嘅嘢唔重要。不過我知佢好辛苦，又要照顧我，屋企裝修佢都要幫手睇住，所以我好多謝佢。」