本文重點
樂壇天后容祖兒（Joey）日前以性感打扮現身北京，出席建國六十周年活動。工作無間斷的Joey在出發時終於病倒，幸她有着愈戰愈強精神，激瞓十八小時即回復元氣，以最佳狀態踏上舞台。
Joey日前現身中央台慶祝建國六十周年文藝晚會大型節目，與內地知名女歌手孫悅及湯燦齊齊獻唱《祖國兒女》。當日Joey穿上一襲性感高貴Versace晚裝登場，相當搶鏡。Joey說：「能夠以香港歌手身份出席咁大型嘅活動，真係好開心同難忘，而且好榮幸可以同兩位知名歌手合作。」
暫停跳跳紮
台上容光煥發的Joey，原來在出發往北京前曾一度病倒。她說：「呢排都忙緊喺內地宣傳國語碟《很忙》，穿州過省咁出席活動，可能因為每個地方溫差都幾大，而且休息唔夠，所以終於病咗。」她笑言平日跳跳紮的自己終於亦有沉靜下來的一刻。
問到Joey以甚麼方法可迅速回復精神？她說：「喺香港機場出發之前，食咗藥之後就係咁瞓，無論喺車、飛機、候機室都係咁瞓，去到酒店仲由天光瞓到天黑，沉睡咗十八小時，終於甦醒。」Joey更笑謂恍如睡回這個月欠缺的睡眠，她說：「好似受咗傷嘅動物匿埋喺洞穴療傷咁，十八個鐘之後終於病痛痊愈充滿力量！」
文：音樂組