陳志雲愛將崔建邦近日無辜捲入錢債糾紛，幸獲陳總繼續力撐。昨日讀者梁生爆料，指崔建邦同母異父哥哥陳明輝，四年前先後多次向其所屬公司借錢及賒貨，合共欠款七十多萬港元，期間陳明輝曾數度失蹤，兼且未有還錢。梁生又指數月前陳明輝雖曾主動表示會還錢，之後卻再次失蹤，打手機及店舖的電話均未能聯絡上他。

經營不善陷財困

記者致電崔建邦求證，他直認哥哥確因不善經營店舖陷入財困，但強調哥哥一定會還錢：「其實涉及嘅款項只有二、三十萬，並冇七十萬咁多。我覺得呢個報料人好野蠻，阿哥同呢間公司合作咗成六、七年，最近因為生意唔好先結業，而且亦冇話過唔還錢！」他又說，有人為了逼令其兄還錢，更曾一度恐嚇表示要唱衰身為藝人的他：「為咗件事，阿哥兩個星期前已經報咗警。而我暫時唔會報警備案，因為嗰個人冇打嚟追我，而且我想強調成件事唔關我事。」據知，崔建邦一直有為兄長清還債務，前後共花了接近七位數字，絕對有情有義。

陳志雲早已知情

對於愛將無辜扯入錢債糾紛，無綫總經理陳志雲表示一早知情，並力撐崔建邦說：「我有叫佢凡事要量力而為，每個人都要為自己嘅工作承擔。（怕唔怕因為咁影響佢形象？）相信都唔會，適合佢嘅工作我都照安排畀佢做。」至於唐詩詠，則表示不會干預崔建邦家事，所以對事件並不知情，問到是否覺得與男友是「還債苦命鴛鴦」？唐詩詠對此只無奈苦笑。

文：影視組